Der krankegank

Der heër pestoer sjteet óp der koer gereed
um nao ‘ne kranke mit ós Heer te goa.

Der koerjóng numt de lamp. Heë wit besjeed en geet.
De kirk oet kunt pestoer em noa.

Doa boete is der klaore daag nog nit.
De wieje* sjlaope hoeëg nog igen loeët.

Mar sjwatse kroa die kwake doa et lid,
dat hön van God ins mitgegeëve woeëd.

Et sjelke evver sjtiegt dao boaven oet
en fien gekliengeltiepelt róngs erum en lupt
pestoer en koerjóng wiet vuuroet.

Et is van ingele ing zuuver sjtim.
Der kranke huurt en vruit ziech in zie bed.

Went ópe neëd de lamp weëd neergezat
is ’t sjtil en vingt pestoer aa mit gebed…

Hee gieët ós leven Heer. Wie gód is dat.
Nog is der kranke miensj mit God alling

went neëvenee pestoer en koerjong noen noa heem gónt .
Mar ’t sjelke is dan sjtil.

De kroa zint voet en óch de lamp is oet.

Chr.Henskens

*wieje:canadassen(Eygelshovens)